Up And Down Beirut
ظهرت الممثلتان اللبنانيتان سينتيا كرم وماريلين نعمان في فيديو طريف في كواليس مسلسل “بالدم”.
في التفاصيل، نشرت سينتيا كرم عبر حسابها على إنستغرام فيديو طريف أثناء تصوير مسلسل “بالدم”، حيث ظهرت ماريلين نعمان وهي تغنّي وسط أجواء من الضحك. وعلّقت سينتيا كرم على الفيديو كاتبةً:” اسمعوا تكتك غنّيتا الجديدة…. حصريّاً … وستوافيكم عدلا بكلّ جديد قبل وروده!!! وشكراً”. لتعلّق بدورها ماريلين نعمان:” إن شاء الله تكونوا حبيتوا! سأطرحها قريباً على أنغامي!” .
أثار هذا الفيديو تفاعل الجمهور وعلّق:” ما في أهضم”، “قمة الاحترافية وقمة الإتقان للدور!!!تستاهلي العالمية سينتيا”، “شو كل هابدااع يا عدلا، انا اعشق بس تجي مشاهدك”….
كان قد عبّر الممثلين وروّاد مواقع التواصل الاجتماعي عن اعجابهم بدور سينتيا كرم، إذ شاركت أستاذة المسرح عايدة صبرا تدوينة جاء فيها:”كل الفخر والحب لسينتيا كرم تأخرتوا كتير لتكتشفوها. وهيدا اللي انبح صوتنا نحنا ونقول روحوا عمعهد الفنون اعملوا كاستينغ أو اسألوا عن خريجين شاطرين أو احضروا مسرح بتلاقوا كنوز مواهب شاطرين وحلوين ومعلمين ومثقفين. هلأ مثلا عم يكبوا مصاري ليدربوا ملكة جمال لتدخل المجال. مسخرة”.
بدورها كتبت النجمة اللبنانية عبير نعمة عبر حسابها على اكس تدوينة جاء فيها:”سينتيا كرم موهبة ما إلها حدود إن كان بالموسيقى أو التمثيل.. وأخيراً الناس شافت عالشاشة الصغيرة مش بس بالمسرح شو يعني لما سينتيا تمثّل.. مبدعة من بلادي… عظيمة يا سينتيا.. ومن نجاح لنجاح صار الوقت صديقتي”.
كذلك كتبت الممثلة اللبنانية كارمن لبس:”حبيبتي سينتيا، كتير مبسوطة إنو موهبتك عم تنشاف وتاخدي حقك، وبزعل بنفس الوقت ليش الناس متفاجأة مع إنو موهبة متلك لازم تكون لفتت نظر كل متذوّق للفن من زمان. برافو وألف ألف مبروك”.
أما الممثل اللبناني نعيم حلاوي فكتب:”سينتيا كرم.. يا سينتيا كرم كلنا منعرف إنك ممثلة مبدعة.. بس بعتقد ما حدا منا كان متوقّع تطلعي “هالقد” مبدعة.. وين كنتي مخباية كل هالإبداع؟ بطحتيهن كلّن”
وعلّقت الفنانة رنين الشعار كاتبة:”ما ضروري تكون آخد دور البطولة حتى تكون البطل ..استثمروا بالمواهب.. المواااااااهب.. هنّي الصورة الحلوة عن الأوطان”.
وحرصت سينتيا كرم على الرد على جميع التعليقات كما نشرت تدوينة جاء فيها:”انتو شو انتو؟؟؟؟ ما في احلى منكن ومن تفاعلكن!!! قلبي رح يبجّ متل طنجرة الضّغط اذا ما نفّستوها! انا بحبّكن باكو باكو .. كتير باكو… وان شاء الله كل الكواكب بتلِفّ لصالحكن! وعطارد ما يعارض!”.
